اخيرا و بعد عناء و كفاح و محاولات مستميتة لفهم الامر و قراءات متعددة، فهمت البلوغ، نعم ادركته و فهمته فهم اليقين .. بالرغم اني حاولت كثيرا ان اتبينه و لم استطع و استشرت اصدقائي من الشباب و الفتيات كي يقوموا بالشرح و عمليا و تفصيليا للعبد لله الفقير و لم اتمكن سوى من ساعات قليلة التوصل لسر البلوغ
نعم لقد اصبحت بلوغر .. ايوة بلوغر .. امال حضراتكوا كنتوا فاكرين ايه ؟؟
ماهو البلوغ ؟؟
من اول وهلة اذا نظرت لفكرة البلوغ ستجد ان الامر اشبه بالمفكرة الصغيرة. نوتة يعني بتكتب فيها مذكرات جنابك عشان الاجيال الجاية، او عشان انت متنيل زهقان ولا عايز تعاكس واحدة ولا بتدور على مجد تايه منك تحت الترابيزة.. المهم انه حاجة شبه كده يعني، طيب لما هو بنكتب فيه ايه الفرق بينه و بين الفيسبوك ؟؟ مانت ممكن تكتب مقالات و حواديت عليه و برضه حيفضل عندك الستيتوس والريليشن و الصورة .. الاجابة في منتهى البساطة .. مش عارف الفرق ايه بس مش مهم
نرجع للاستاذ جورن بارجنر و ده كان اول واحد عمل فكرة البلوغ سنة ٢٠٠٧ .. و نسأله في حصة الاي تي .. انت كنت عاوز ايه يا عم جورن من الموضوع ده ؟؟
جورن قال انه فكرة البلوغ مش بعيدة عن الكلام اللي احنا بنقولها من شويتين.. الموضوع كله عبارة عن مدونة .. المدونة هي المقصود بيها هنا المفكرة الصغيرة اللي بتكتب فيها ملحوظاتك و الخواطر و الاي فطش اللي حيجي في نافوخك
الفرق الوحيد اللي اضافه جورن على الموضوع انه قاللك بدل ما تكتب الكلام ده في نوتة و تضيع منك ما تيجي نكتبه في حتة و يقدر يقراها اكتر من بليون بنى آدم و يطبعها و تتنشر و تتبعت و تحطلها صورة و تزودلها اغنية و كل ده في صفحة واحدة و وببلاش ؟؟
البلوغ مش الهدف منه التبسيط قد ما الهدف منه التواصل .. التواصل بين البشر و ده للاسف اصبح مفقود .. يعني مانا طول عمري بذاكر في كشكول يا عم جورن و بجيب تيكت ازرق و جلاد .. هي هي نفس فكرة البلوغ اللي بغيرله الصورة و الديزاين .. انما الروح الاساسية من الكتابة و الخصوصية في الافكار راحت .. يمكن اكون انا شخص قديم الفكر ولكن في النهاية لازم كلنا نستسلم للبلوغ ولو بنسبة عشان دي سنة الحياة و كده
المهم يعني من التيتة دي .. ارجو اني اكون ضيف خفيف على الجميع في البلوغ و ارجو من الجميع اننا منفقدش الحس بالمادة و نستعوضها باللابتوب و التليفونات و البيبي .. حاول تجيب ورقة و قلم و تكتب بالعند في جورن بارجنر و البلوغ بتاعه
:-)))
نعم لقد اصبحت بلوغر .. ايوة بلوغر .. امال حضراتكوا كنتوا فاكرين ايه ؟؟
ماهو البلوغ ؟؟
من اول وهلة اذا نظرت لفكرة البلوغ ستجد ان الامر اشبه بالمفكرة الصغيرة. نوتة يعني بتكتب فيها مذكرات جنابك عشان الاجيال الجاية، او عشان انت متنيل زهقان ولا عايز تعاكس واحدة ولا بتدور على مجد تايه منك تحت الترابيزة.. المهم انه حاجة شبه كده يعني، طيب لما هو بنكتب فيه ايه الفرق بينه و بين الفيسبوك ؟؟ مانت ممكن تكتب مقالات و حواديت عليه و برضه حيفضل عندك الستيتوس والريليشن و الصورة .. الاجابة في منتهى البساطة .. مش عارف الفرق ايه بس مش مهم
نرجع للاستاذ جورن بارجنر و ده كان اول واحد عمل فكرة البلوغ سنة ٢٠٠٧ .. و نسأله في حصة الاي تي .. انت كنت عاوز ايه يا عم جورن من الموضوع ده ؟؟
جورن قال انه فكرة البلوغ مش بعيدة عن الكلام اللي احنا بنقولها من شويتين.. الموضوع كله عبارة عن مدونة .. المدونة هي المقصود بيها هنا المفكرة الصغيرة اللي بتكتب فيها ملحوظاتك و الخواطر و الاي فطش اللي حيجي في نافوخك
الفرق الوحيد اللي اضافه جورن على الموضوع انه قاللك بدل ما تكتب الكلام ده في نوتة و تضيع منك ما تيجي نكتبه في حتة و يقدر يقراها اكتر من بليون بنى آدم و يطبعها و تتنشر و تتبعت و تحطلها صورة و تزودلها اغنية و كل ده في صفحة واحدة و وببلاش ؟؟
البلوغ مش الهدف منه التبسيط قد ما الهدف منه التواصل .. التواصل بين البشر و ده للاسف اصبح مفقود .. يعني مانا طول عمري بذاكر في كشكول يا عم جورن و بجيب تيكت ازرق و جلاد .. هي هي نفس فكرة البلوغ اللي بغيرله الصورة و الديزاين .. انما الروح الاساسية من الكتابة و الخصوصية في الافكار راحت .. يمكن اكون انا شخص قديم الفكر ولكن في النهاية لازم كلنا نستسلم للبلوغ ولو بنسبة عشان دي سنة الحياة و كده
المهم يعني من التيتة دي .. ارجو اني اكون ضيف خفيف على الجميع في البلوغ و ارجو من الجميع اننا منفقدش الحس بالمادة و نستعوضها باللابتوب و التليفونات و البيبي .. حاول تجيب ورقة و قلم و تكتب بالعند في جورن بارجنر و البلوغ بتاعه
:-)))
ليست هناك تعليقات:
إرسال تعليق